ق. توقاەۆ «جاسىل» ەكونوميكا مەن بالاما ەنەرگەتيكا سالاسىنداعى الەمدەگى كوشباسشىلاردىڭ ءبىرى بولىپ تابىلاتىن شۆەيتسارياعا «ەكسپو- 2017» حالىقارالىق كورمەسىنە قاتىسقانى ءۇشىن العىس ايتتى.
سەنات توراعاسى قازاقستان شۆەيتساريانى ەۋروپاداعى ماڭىزدى ارى سەنىمدى ارىپتەس رەتىندە قاراستىراتىنىن اتاپ ءوتتى. ەكىجاقتى ىنتىماقتاستىق اياسىندا بەلسەندى ساياسي ديالوگ, اۋقىمدى ساۋدا-ەكونوميكالىق, ينۆەستيتسيالىق جانە گۋمانيتارلىق بايلانىستار ورىستەپ كەلەدى.
كەزدەسۋ بارىسىندا ەكىجاقتى بايلانىستاردا دا, ەقىۇ پارلامەنتتىك اسسامبلەياسىمەن بىرگە حالىقارالىق ۇيىمدار اياسىندا دا ماڭىزدى رول اتقاراتىن پارلامەنتارالىق ديالوگتى نىعايتۋدىڭ كەلەشەگى قارالدى.
ق. توقاەۆ پەن شۆەيتساريا سىرتقى ساياسات مەكەمەسىنىڭ باسشىسى ەقىۇ جاۋاپتى ايماقتا «سوزىلمالى شيەلەنىستەرگە» قاتىستى بىرقاتار ماسەلەلەردى تالقىلادى.